Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përparim Rama, ndau mirënjohje për familjen Jashari si simbol të sakrificës e angazhimit të kryeqytetit në ruajtjen e vlerave. Për shënimin e Epopesë së Ushtrisë Çlirimtare të Kosovës, Komuna e Prishtinës ka organizuar një seancë solemne, ku kryetari i komunës, Përparim Rama, ndau mirënjohje për familjen Jashari si simbol të sakrificës dhe angazhimit të kryeqytetit në ruajtjen e vlerave të shtetit të Kosovës. Derisa seanca nisi me intonimin e himnit të Kosovës dhe atij kombëtar, u mbajt edhe një minutë heshtje në nderim të dëshmorëve dhe martirët e UÇK-së. Rama theksoi se sakrifica e familjes Jashari ka qenë një pikë kthese në rrugën e Kosovës drejt lirisë dhe pavarësisë, duke kujtuar momentet e marsit 1998, kur në Prekaz nuk u zhvillua thjesht një betejë, por një legjendë. Ai e vlerësoi Adem Jasharin dhe familjen Jashari si figura të pavdekshme të lirisë dhe kujtoi se Kosova duhet të jetë një vend i drejtësisë dhe barazisë për të gjithë qytetarët.
