Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas verifikimit të mandateve nga komisioni përkatës, kryesuesi i seancës konstitutive, Avni Dehari, ftoi deputetët e rinj të Kuvendit të Republikës së Kosovës të bëjnë betimin solemn. Çdo deputet kishte para vetes tekstin zyrtar të betimit, të cilin e nënshkroi personalisht, si dëshmi e angazhimit për detyrën. Me këtë akt formal, përfaqësuesit e zgjedhur i hapin rrugë fazës së ardhshme të konstituimit të Kuvendit. Teksti i betimit thekson përkushtimin për të përfaqësuar me dinjitet popullin, për të respektuar Kushtetutën dhe ligjet e vendit, si dhe për të mbrojtur sovranitetin dhe tërësinë territoriale të Kosovës. Ky hap shënoi një moment të rëndësishëm drejt zhbllokimit institucional pas zgjedhjeve të 9 shkurtit.
