Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Delegacionet e Kosovës dhe Serbisë pritet të mblidhen në Bruksel gjatë muajit prill, në kuadër të Komisionit të Përbashkët për Personat e Zhdukur, për të diskutuar çështjen e personave të pagjetur. Ky informacion është konfirmuar nga kryesuesi i Komisionit Qeveritar për Personat e Zhdukur, Andin Hoti. Ai ka theksuar se takimi do të mbahet nën organizimin e Bashkimit Evropian dhe se data e tij do të caktohet nga BE, me shpresën që ai të zhvillohet brenda këtij muaji. Ai ka renditur kërkesat kyçe të palës kosovare, përfshirë zbatimin e plotë të deklaratës për personat e zhdukur, hapjen e arkivave të ushtrisë dhe policisë serbe, dhe qasje të plotë në territorin e Serbisë për gërmime në lokacionet e dyshuara për varreza masive. Hoti ka rikujtuar se Serbia kishte refuzuar pjesëmarrjen në takimin e planifikuar për 15 janar, por ka theksuar se Kosova do të vazhdojë të shtyjë përpara kërkesat e saj. Ai gjithashtu ka kritikuar qasjen e faktorit ndërkombëtar ndaj Beogradit, duke thënë se Serbia po “ledhatohet” nga ndërkombëtarët, ndërkohë që nuk po zbatohet drejtësia për krimet e saj.
