Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti Visar Ymeri ka theksuar se Kaçaniku është një nga vendet më të varfra të Kosovës, dhe ka lidhur këtë varfëri me rritjen e ideve ekstreme në këtë zonë. Ymeri shpjegoi se varfëria është një nga faktorët kryesorë që mundësojnë shtrirjen e këtyre ideve. “Kaçaniku është një prej vendeve më të varfëra në Kosovë. Janë këto toka ku gjejnë vend këto ide ekstreme më së shumti. Problemi është edhe socio-ekonomik,” tha Ymeri, duke theksuar se shteti i Kosovës historikisht nuk e ka pasur këtë zonë në vëmendje dhe duhet të tregojë kujdes për këtë. Ai gjithashtu theksoi se rinia në Kaçanik po kërkon një përgjigje për pozitën e saj dhe është e rëndësishme që dikush të ofrojë një mundësi, pasi nëse shteti nuk e bën këtë, do të jetë dikush tjetër që do të ndikojë. Ymeri foli edhe për rolin e partive politike dhe liderëve, duke theksuar se ata duhet të ballafaqohen me problemet dhe të mos heshtin për arsye elektorale. Ai shtoi se ka forma të ndryshme të bashkëpunimit dhe duhet të merret parasysh që disa programe partiake nuk përkojnë me bindjet fetare kur ato përkthehen në bindje politike.
