Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sami Lushtaku, nënkryetar i Komunës së Skënderajt dhe përfaqësues i Partisë Demokratike të Kosovës, ka hedhur poshtë çdo mundësi të një koalicioni me Lëvizjen Vetëvendosje, duke theksuar se PDK-ja “nuk guxon” të bëjë një bashkëpunim me këtë parti. Lushtaku u shpreh se fyerjet që Albin Kurti dhe VV-ja kanë bërë ndaj PDK-së kanë krijuar një hendek të thellë mes tyre, duke i bërë të pamundura çdo mundësi bashkëpunimi. Ai shtoi se elektorati i PDK-së nuk e pranon një koalicion të tillë dhe se alternativa më e mirë është shpallja e zgjedhjeve të reja. Lushtaku theksoi se PDK-ja nuk frikësohet nga një proces zgjedhor, duke shprehur bindjen se qytetarët do t’i japin fund veprimeve të papërgjegjshme të Kurtit.
