Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Drenasit dhe anëtar i Partisë Demokratike të Kosovës, Ramiz Lladrovci, ka reaguar me ironi ndaj ftesës që Albin Kurti i drejtoi Lumir Abdixhikut për bashkëqeverisje mes Vetëvendosjes dhe LDK-së, duke nënkuptuar se VV po e anashkalon qëllimisht PDK-në në përpjekje për të krijuar shumicën parlamentare. Lladrovci e cilësoi lëvizjen e Kurtit si një manovër politike për të rifituar mbështetje nga elektorati i LDK-së, duke përdorur metaforën e njohur popullore: “Rrushi që nuk arrihet, është i thartë”. “Procesi politik bllokohet kur lakmia dhe babëzia për pushtet mbisundojnë germën e Kushtetutës,” shkroi ai, duke aluduar se VV po përpiqet të manipulojë institucionet për përfitime të njëanshme. Lladrovci kritikon mënyrën se si, sipas tij, Vetëvendosje po përpiqet të “blejë” mbështetje në Kuvend përmes postesh dhe ofertash të tjera politike, përfshirë poste ministrore dhe diplomaci. Ai e përmbyll reagimin duke e cilësuar VV-në si një parti që po e humb orientimin politik dhe që po përpiqet t’i “gërryejë” edhe ato mbështetje që nuk arriti t’i sigurojë në zgjedhjet e fundit.
