Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë, Albin Kurti, ka hedhur poshtë propozimin e kryetarit të LDK-së, Lumir Abdixhiku, për formimin e një qeverie tranzicionale, duke e cilësuar si një zgjidhje paradoksale që nuk i shërben stabilitetit institucional të vendit. Në mbledhjen e Këshillit të Përgjithshëm të Lëvizjes Vetëvendosje, Kurti ka theksuar se prioriteti i tij mbetet formimi i një qeverie funksionale dhe legjitime, dhe jo një strukturë kalimtare me mandat të kufizuar. Kurti bëri të ditur se ka dërguar dy ftesa për bisedime drejtuesit të LDK-së, të cilat janë refuzuar. Ai vuri në dukje se megjithëse disa deputetë të LDK-së kanë shprehur vullnet për marrëveshje politike, Abdixhiku nuk ka qenë i gatshëm për dialog. Ndërkohë, vetëm PDK-ja ka shprehur interes për të diskutuar mundësinë e një koalicioni qeverisës. Ai shtoi se rruga përpara duhet të ndërtohet me një qeveri të qëndrueshme që respekton mandatin qytetar, jo me zgjidhje të përkohshme që mbajnë vendin në pasiguri politike.
