Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një opinion të publikuar më 12 maj 2025, ekonomisti i njohur dhe ish-kryetari i Odës Ekonomike të Kosovës, Safet Gërxhaliu, ka bërë thirrje për një qasje të re ndaj përfshirjes së sektorit bankar në zhvillimin ekonomik të vendit, duke propozuar që 50% e fitimit neto të bankave komerciale të investohet brenda Kosovës. Ai thekson se bankat kanë përfituar ndjeshëm në një mjedis financiar pa konkurrencë të fortë dhe me rregullativë të favorshme, përfshirë edhe faktin se dividenda nuk tatohet, çka i lejon fitimet të transferohen jashtë vendit pa asnjë barrë fiskale. Në katër vitet e fundit, fitimi i bankave ka kaluar 595 milionë euro, ndërsa vendi po përballet me papunësi të lartë, mungesë të investimeve strategjike dhe sfida të mëdha sociale e ekonomike. Sipas tij, kërkesa që 50% e këtij fitimi të investohet në projekte zhvillimore nuk është taksë, por një ftesë për partneritet ekonomik, për një rishpërndarje të drejtë që do të stimulonte rritjen ekonomike, punësimin, konsumatorinë, dhe do të rriste besimin qytetar ndaj sistemit financiar. Nëse do të investoheshin qoftë edhe 90 milionë euro në vit nga fitimet e bankave në zhvillimin vendor, efektet pozitive në ekonominë e Kosovës do të ishin të menjëhershme dhe të shumëfishta.
