Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Ferat Shala, ka akuzuar të hënën qeverinë Kurti për shpenzime të pajustifikueshme dhe manipulime financiare përmes kontratave për marrjen me qira të veturave nga institucionet shtetërore. Shala kritikoi mënyrën se si janë menaxhuar fondet publike për transportin zyrtar, duke theksuar se kostoja e qirasë për vetura po e tejkalon vlerën e tyre reale të blerjes. Qeveria po krijon shpenzime marramendëse. Po jepen miliona euro për vetura me qira, kur në fakt ato mund të bliheshin shumë më lirë dhe të bëheshin asete të shtetit,” deklaroi ai. Shala e konsideron këtë si praktikë të qëllimshme dhe të përsëritur nga ekzekutivi, duke e cilësuar si formë të keqpërdorimit të buxhetit publik.
“Kjo është praktikë e Kurtit dhe qeverisë së tij – një model manipulimi financiar që po dëmton interesin publik,” shtoi deputeti i PDK-së. Ai gjithashtu paralajmëroi se do të kërkojë auditim dhe hetim të plotë institucional për këto kontrata, duke insistuar se menaxhimi i fondeve publike po bëhet jashtë çdo kuadri ligjor.
