Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli, nga KDI, ka ngritur shqetësime serioze për mënyrën se si po menaxhohet pushteti në periudhën e paszgjedhjeve, duke akuzuar ish-ministrat e Vetëvendosjes se nuk janë shkëputur nga vendimmarrja ekzekutive, pavarësisht se tashmë kanë fituar mandatet si deputetë. Përderisa Kuvendi i Kosovës është ende i pakonstituuar, në institucione po vazhdon emërimi i anëtarëve të bordeve në mënyrë të kundërligjshme dhe me ndikim politik, duke përmendur si shembull rastin e fundit të Këshillit Drejtues të Teatrit Kombëtar. Ky s’është vendim teknik, as urgjent, e as rutinë e një (ish)ministri. Është vazhdim i planifikuar i kontrollit politik mbi institucionet, përmes nënshkrimeve të momentit të fundit,” tha Cakolli, duke shtuar se kjo praktikë përbën një përpjekje për të mbjellë ndikim politik përtej mandatit qeverisës. Ai e konsideroi këtë si vazhdim të një sjelljeje për të cilën janë kritikuar edhe qeveritë e mëhershme, duke theksuar se aktualisht nuk ka një qeverisje efektive, por një përpjekje për pas-qeverisje. Pushteti nuk po qeveris më, por po siguron terren për pas-qeverisjen. Dhe gjithçka bëhet mbi një logjikë të qartë, por të mbrapshtë: ‘Për sa kohë nuk të ndalon dikush, s’ka pse ndalesh vetë’,” përfundoi Cakolli.
