Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga Instituti Demokratik i Kosovës ka ngritur pyetje rreth funksionit dhe angazhimit të asistentëve të deputetëve në Kuvendin e Kosovës në ditët e fundit. Ai ka vënë në dyshim rëndësinë e punës së tyre, duke theksuar se seancat parlamentare po mbahen me vonesë dhe shpesh zgjaten vetëm pak minuta. “A thua, për çka kanë me i asistu, kur krejt puna e deputetëve është me hy në sallë – edhe atë me vonesë – me qëndru pak minuta, edhe me dalë… për me kthy pas 48 orë?!” është shprehur Cakolli, duke kritikuar mungesën e efikasitetit dhe aktivitetit real në Kuvend. Kjo deklaratë vjen në një periudhë të tensionuar politike, ku moskonstituimi i institucioneve dhe vonesat në punën parlamentare po ndikojnë negativisht në funksionimin e shtetit.
