Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka dështuar edhe vazhdimi i njëzetekatër i seancës konstituive të legjislaturës së nëntë të Kuvendit të Kosovës, për shkak të mungesës së konsensusit për formimin e komisionit që mundëson votimin e fshehtë. Kryesuesi Avni Dehari sërish kërkoi nga partitë opozitare – PDK, LDK, AAK, Nisma dhe Lista Serbe – që të propozojnë anëtarët e tyre për komisionin zgjedhor, por ato refuzuan. Propozimi për formimin e komisionit u hodh në votim, por nuk mori shumicën e nevojshme. Për pasojë, seanca u shty për të hënën në ora 10:30. Zgjedhja e kryetares së Kuvendit ka ngecur pasi kandidatja e Vetëvendosjes, Guxo dhe Alternativës, Albulena Haxhiu, nuk po arrin të sigurojë 61 votat e nevojshme. Bllokada po thellohet dhe rrezikon funksionalitetin institucional të legjislaturës së re.
