Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të ushtrimit shumëkombësh “Defender Europe 25”, Forca e Sigurisë së Kosovës organizoi Ditën e Vizitorëve të Shquar në prani të liderëve të lartë shtetërorë, diplomatikë dhe ushtarakë ndërkombëtarë. Mysafirët u pritën nga Komandanti i FSK-së, gjenerallejtënant Bashkim Jashari, në Aeroportin e Gjakovës dhe më pas vizituan Post-Komandën Taktike të Divizionit të 28-të të Ushtrisë Amerikane. Ata u njohën nga afër me zhvillimet e ushtrimit që përfshin forca nga Kosova, Shqipëria, Maqedonia e Veriut, Bullgaria, Mali i Zi dhe Greqia. Në poligonin trajnues të Babaj Bokës, njësitë e FSK-së dhe trupat ndërkombëtare demonstruan nivel të lartë profesionalizmi, disipline dhe ndërveprimi operativ.
Komanda e Forcës Tokësore dhe Regjimenti i Dytë i Këmbësorisë u veçuan për ekzekutimin e suksesshëm të operacioneve të përbashkëta. Ushtrimi u vlerësua si mundësi strategjike për forcimin e kapaciteteve dhe partneriteteve të sigurisë në rajon.
