Vitia shënoi ditën ndërkombëtare të mjedisit

05/06/2025 Institucionet

Në kuadër të ditës ndërkombëtare të mjedisit që shënohet me çdo 5 Qershor, Komuna e Vitisë, ka zhvilluar sot disa aktivitete mjedisore që kishin për qëllim mbrojtjen e ambientit dhe rritjen e vetëdijes qytetare për ruajtjen e tij.

Aktivitetet filluan në përgjatë lumit “Morava e Binçes” në Vitil, ku u mbollën drunj dekorativ si dhe u zhvillua një aksion i pastrimit. Këtyre aktiviteteve i ka paraprirë kryetari i komunës së Vitisë, Sokol Haliti me bashkëpunëtorë ku morën pjesë edhe përfaqësues të KFOR-it amerikan, Policisë, “Eco Higjiena”, zjarrfikësit dhe qytetarë të tjerë. Kryetari Haliti, gjatë fjalës së tij, theksoi rëndësinë e ndërgjegjësimit për mbrojtjen e mjedisit dhe bëri të ditur se viti 2025 është shpallur nga komuna si “Viti i Mbrojtjes së Mjedisit dhe Pyjeve”. Ai shtoj se komuna e Vitisë, vazhdimisht pos ndërgjegjësit të qytetarëve po punon edhe në ruajtën e një mjedisi të pastër duke forcuar kontrollin dhe inspektimet ndaj atyre që ndotin mjedisin. Më pas aktiviteti mjedisor është zhvilluar edhe në parkun e kompleksit memorial të diplomatit të njohur amerikan “ Richard  Holbrooke” në Viti. Përndryshe dita ndërkombëtare e mjedisit është një ngjarje globale që çdo vit, më 5 qershor dhe i kushtohet ruajtjes së natyrës dhe klimës.

Kontrolloni gjithashtu

Ferizaj me Stacionin e Ri të Autobusëve – model në gjithë vendin

Një nga projektet më të veçanta të Komunës së Ferizajt dhe e domosdoshme për krijimin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara