Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka përkujtuar sot Betejën e Morinës, që më 7 korrik 1998 shënoi një moment kyç në luftën çlirimtare në Zonën Operative të Dukagjinit. Në nderim të kësaj beteje, Haradinaj, bashkë me familjarë të dëshmorëve dhe bashkëluftëtarë, bëri homazhe për heronjtë që ranë në përballje me forcat armike: Muhamet Ukshini, Shkëlzen Syla, Blerim Ukshini, Ahmet Pulatini, Fisnik Salihu, Nezir Elezaj, Ymer Bytyqi, Arben Ukshini dhe Sylejmon Abdyli. “Rënia e tyre ishte një goditje e rëndë, por njëkohësisht u bë frymëzim për mijëra të rinj që iu bashkuan UÇK-së”, tha Haradinaj. Ai kujtoi edhe dëshmorin Agim Mazrekaj, të cilin e cilësoi si luftëtar të vendosur dhe shembull për brezat e ardhshëm. Po ashtu, Haradinaj bëri homazhe edhe në Voksh të Deçanit, pranë lapidarit të dëshmorit Xhevat Nitaj.
