Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklaratat e Ministres në detyrë të Drejtësisë, Albulena Haxhiu, se Gjykata Kushtetuese “rishkroi Kushtetutën” me vendimin që ndaloi kryesuesin e seancës konstituive Avni Dehari të vazhdonte pa fund me procedurën për zgjedhjen e kryetarit të Kuvendit, kanë ngjallur reagime të ashpra nga ekspertë dhe politikanë opozitarë me profil juridik. Sipas juristëve, kjo qasje bie ndesh me parimet themelore të interpretimit kushtetues. Nënkryetarja e LDK-së, Doarsa Kica-Xhelili, theksoi se çdo student i juridikut mëson se përveç interpretimit strikt, ekzistojnë metoda të tjera si interpretimi sistematik, teleologjik dhe evolucionar, që përdoren për të mbushur boshllëqet dhe për të ruajtur funksionalitetin demokratik. Edhe deputeti i PDK-së, Përparim Gruda, hodhi poshtë pretendimet e Haxhiut, duke shpjeguar se vendimi i Kushtetueses për ta kufizuar në tre herë kandidimin për kryetar të Kuvendit është marrë mbi bazën e metodës së analogjisë, duke u mbështetur në dy precedentë kryesorë: tre raundet e përcaktuara për zgjedhjen e presidentit në Kushtetutën e Kosovës dhe praktikat e kushtetutave të vendeve të tjera evropiane.
