Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova, Shqipëria dhe Kroacia po punojnë për zbatimin e marrëveshjes së marsit në fushën e mbrojtjes, me fokus në blerjet e përbashkëta të armatimit nga SHBA. Ministri në detyrë i Mbrojtjes i Kosovës, Ejup Maqedonci, tha se më 18 korrik në Tiranë u mbajt takimi i grupit zbatues për detajimin e planit operacional. Qëllimi është që, në vend të porosive të ndara, të bëhet një porosi e vetme, çka do të ulë koston dhe do të shpejtojë furnizimet. Ministria e Mbrojtjes së Shqipërisë konfirmoi se në shtator do të paraqitet për miratim udhëzuesi i bashkëpunimit. Marrëveshja përfshin promovimin e industrisë së mbrojtjes, rritjen e ndërveprueshmërisë, kundërpërgjigjen ndaj kërcënimeve hibride dhe mbështetjen për integrimin euroatlantik. Pritet të zhvillohen stërvitje të përbashkëta dhe shkëmbim informacioni në fushën e sigurisë. Maqedonci tha se marrëveshja u mirëprit nga Pentagon dhe disa vende të NATO-s, ndërsa Serbia e ka kundërshtuar.
