Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kandidati i Lëvizjes Vetëvendosje për deputet në zgjedhjet e vitit 2019, Mentor Hyseni, është emëruar drejtor në Administratën Tatimore të Kosovës. Lajmin e ka bërë të ditur Ministria e Financave, e cila ka njoftuar se konkursi është zhvilluar sipas procedurave “të rregullta dhe transparente”. Megjithatë, ky emërim ka hapur debat publik për shkak të lidhjeve të drejtpërdrejta politike të Hysenit me partinë në pushtet. Kjo vjen në kontrast të plotë me qëndrimet e dikurshme të Vetëvendosjes, e cila gjatë kohës në opozitë ka qenë një nga kritiket më të zëshme të emërimeve partiake në institucionet publike. Në atë kohë, VV akuzonte qeveritë paraprake për “kapje të shtetit” dhe “favorizim politik” në pozita kyçe të administratës. Emërimi i një ish-kandidati të saj në krye të një prej institucioneve më të rëndësishme të vendit, që menaxhon mbledhjen e të hyrave dhe zbatimin e politikave tatimore, ngre pyetje mbi konsistencën e parimeve të deklaruara nga VV dhe praktikat aktuale qeverisëse.
