Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Komisionit Qendror të Zgjedhjeve, Valmir Elezi, ka sqaruar mënyrën se si do të llogariten votat në zgjedhjet lokale të 12 tetorit. Sipas tij, votuesit nuk kanë nevojë të votojnë drejtpërdrejt për bartësin e listës, pasi çdo votë për subjektin politik i atribuohet automatikisht edhe bartësit. “Vota për subjektin politik llogaritet votë edhe për bartësin e listës, emri i të cilit në fletëvotim shkruhet nga KQZ nën emrin e subjektit politik,” tha Elezi. Ai shtoi se në rastet kur në një fletëvotim shënohen më shumë se një kandidat, vota nuk i shkon asnjërit prej tyre, por llogaritet vetëm për subjektin politik. Ky sqarim nga KQZ vjen si përgjigje për të shmangur paqartësitë e votuesve në prag të zgjedhjeve lokale.
