Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në gjykimin kundër ish-presidentit Hashim Thaçi dhe ish-krerëve të tjerë të Ushtrisë Çlirimtare të Kosovës në Hagë, mbrojtësi i viktimave ka kërkuar që në prova materiale të pranohen edhe dëshmitë e 74 dëshmitarëve me shkrim. Kërkesa është bërë nga Simon Laws dhe Maria Radziejowska, por vendimi ende nuk është marrë nga trupit gjykues. Zëdhënësi i Dhomave të Specializuara, Michael Doyle, ka konfirmuar për “Betimi për Drejtësi” se deri tani janë pranuar gjashtë dëshmi me shkrim nga pala e viktimave, ndërsa çështja e paraqitjes së provave ka përfunduar me dy dëshmitarë të tyre në sallën e gjyqit. Në total, procesi ka dëgjuar deri më tani 127 dëshmitarë në sallë, kryesisht të Prokurorisë, si dhe ka pranuar 137 dëshmi të tjera me shkrim. Prokuroria e ka përmbyllur paraqitjen e provave më 15 prill, ndërsa më 15 shtator pritet të nisë dëgjimi i dëshmitarëve të mbrojtjes. Kërkesa për 74 dëshmitë shtesë shihet si një element me peshë, pasi mund të ndikojë në balancimin e narrativave midis Prokurorisë, viktimave dhe mbrojtjes në këtë proces gjyqësor të profilit të lartë.
