leoni

Nura: Sot u përmbyll vetëm një kapitull i rrugëtimit tonë të përbashkët

25/09/2025 Institucionet

Kryetari i komunës së Skënderajt, z. Fadil Nura në mbledhjen e sotme të kuvendit komunal të Skënderajt ka thënë se ka përmbyllur vetëm një kapitull të rrugëtimit të përbashkët – një rrugë që nuk ka fund por ka angazhim të vazhdueshëm nga secili që ka përgjegjësinë e kryetarit të Komunës.

Pas seancës së fundit të Kuvendit Komunal, kryetari Nura ka falënderuar në radhë të parë kryesuesen e Kuvendit, znj. Adelina Spahiu dhe të gjithë asamblistët, qoftë kur janë pajtuar, qoftë kur nuk janë pajtuar.

Mundi i të gjithëve ka qenë për të mirën e përbashkët.

Faleminderit për këtë!

Faleminderit të gjithë drejtorëve të Ekzekutivit – një ekip i shkëlqyer që ka bërë të pamundurën për të çuar përpara politikat zhvillimore.

Faleminderit ekipit të OSBE-së që na shoqëroi gjatë këtij mandati, shoqërisë civile, medieve dhe të gjithë të tjerëve që përcollën punimet e Kuvendit.

Krejt për fund, ecja jonë përpara është e pandalshme, me ndërshmëri dhe me shpresë që Skenderaj ynë të lulëzojë nga të mirat dhe zhvillimi.

Faleminderit të gjithë qytetarëve, prej atij më të mosharuit e deri te i sapolinduri – ju që jeni zemra dhe shpirti i kësaj komune, ka thënë në fjalën e tij kryetari i Skënderajt, z. Fadil Nura.

Kontrolloni gjithashtu

Kryetari Bashkim Ramosaj takon pensionistët e Deçanit

Kryetari i komunës së Deçanit, z. Bashkim Ramosaj ka takuar të enjtën pensionistët nga kjo …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara