Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i OVL-UÇK-së, Gazmend Syla, ka hedhur poshtë pretendimet e kryeministrit Albin Kurti se është angazhuar në heshtje për lirimin e krerëve të UÇK-së, nç Hagë. Syla tha se gjatë takimeve të organizatës me ambasadorë të ndryshëm e euro deputetë, asnjëherë nuk është përmendur ndonjë interesim apo veprim diplomatik nga qeveria e Kosovës lidhur me këtë çështje. “Kemi punuar shumë në rrafshin diplomatik. Për çudi, shumë ambasadorë që i kemi takuar, por edhe euro deputetë, asnjëherë nuk na kanë thënë se ka pasur interesim nga shteti i Kosovës, apo nga kryeministri Kurti, siç pretendon ai”, deklaroi Syla. Ai shtoi se, sipas diplomatëve, Organizata e Veteranëve të Luftës ka qenë e vetmja që ka ngritur zërin dhe ka kërkuar reagime ndërkombëtare për ish-krerët e UÇK-së. “Nuk është e vërtetë ajo që ka thënë Kurti. Të paktën me ambasadorët që jemi takuar ne, askush nuk na ka përmendur ndonjë përfshirje apo interesim të tij të mëhershëm”, përfundoi Syla.
