Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Themelore në Prishtinë, është mbajtur seanca fillestare ndaj Muharrem Ibrajt, i akuzuar për krime lufte në fshatin Osek Hykë të Komunës së Gjakovës. Procesi po zhvillohet në mungesë, pasi i pandehuri ndodhet në arrati. Aktakuza, e ngritur më 19 mars 2025 nga Prokuroria Speciale e Republikës së Kosovës, ngarkon Ibrajn për vrasje dhe keqtrajtime ndaj qytetarëve civilë shqiptarë gjatë viteve 1998 në fshatin Osek Hylë. Sipas akuzës, ai ka marrë pjesë në vrasjen e një civili, dhunimin e një viktime bashkë me babanë dhe vëllanë e tij, si dhe keqtrajtime të tjera ndaj civilëve. Në pikën kryesore të aktakuzës thuhet se më 28 shkurt 1998, Ibraj, i armatosur dhe në uniformë policore, së bashku me pjesëtarë të tjerë të forcave serbe, kanë sulmuar qytetarë civilë, ku një viktimë ka ndërruar jetë si pasojë e plagëve të shkaktuara nga armët e zjarrit. Më vonë, më 10 nëntor 1998, ai akuzohet për dhunim të një të dëmtuareje, së bashku me babanë dhe vëllanë e tij, duke përdorur forcën dhe armët për të detyruar kryerjen e marrëdhënieve seksuale. Për këto veprime, Muharrem Ibraj akuzohet për veprën penale “Krim i luftës kundër popullsisë civile”, sipas Ligjit Penal të ish-Republikës Socialiste Federative të Jugosllavisë, në fuqi në kohën e kryerjes së krimeve.
