Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, ka konfirmuar se bisedimet për bashkimin me Partinë Demokratike të Kosovës nuk kanë rezultuar me marrëveshje, duke i dhënë fund pritjeve dhe spekulimeve të ditëve të fundit. Në një konferencë për media, ai tha se Nisma do të hyjë e vetme në zgjedhjet e 28 dhjetorit me listën e saj prej 110 kandidatësh. sShumë qytetarë, bashkëpunëtorë, ish-luftëtarë dhe diaspora kanë shpresuar për një bashkim që do t’i gëzonte, por marrëveshja nuk u arrit pavarësisht bisedimeve deri në minutën e fundit. Fatkeqësisht, ai bashkim që e keni pritur nuk ka ndodhur. Kemi dashur të shkojmë bashkë në këtë garë, por nuk u bë, tha ai. Limaj theksoi se ideja e bashkimit nuk është mbyllur dhe se rruga drejt tij do të vazhdojë edhe pas zgjedhjeve. Individi nuk e ndal bashkimin. Ai bashkim do të vijë. Ka mundur të vijë sonte… në Prishtinë nuk ndodhi. Ne do të kthehemi te baza dhe do të vazhdojmë të punojmë, u shpreh Limaj. Nisma tani hyn e vetme në garën zgjedhore, ndërsa Limaj u shpreh se vendimi është marrë me përgjegjësi dhe me synimin për të mbrojtur interesin e votuesve të partisë.
