Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka prezantuar zyrtarisht listën e kandidatëve për deputetë për zgjedhjet e 28 dhjetorit. AAK do të garojë me gjithsej 110 kandidatë, ndërsa lista kryesohet nga vetë Haradinaj. Vendi ka nevojë për njerëz që i qëndrojnë Kosovës në krah në çdo rrethanë dhe që mbrojnë interesin publik pa kompromis. Kosova sot ka nevojë për njerëz që i qëndrojnë vendit në krah. Qytetarët kanë nevojë për përfaqësues të guximshëm dhe të pakompromis, shkroi Haradinaj. Sa i përket radhitjes së kandidatëve në listë, Haradinaj sqaroi se 1/3 e tyre janë renditur sipas votave të marra në zgjedhjet e kaluara, ndërsa 2/3 janë përcaktuar përmes shortit, në përputhje me vendimin e Këshillit Drejtues të partisë. AAK synon të prezantohet në këto zgjedhje me një ekip që, sipas Haradinajt, ofron seriozitet, përvojë dhe gatishmëri për t’i dalë ballë sfidave të vendit.
