Kryetari Latifi mbajti takimin e katërt me Drejtorët e Shkollave, Psikologët, Pedagogët dhe Koordinatorët e cilësisë

Kryetari i komunës së Rahovecit, z. Smajl Latifi mbajti të hënën takimin e katërt me Drejtorët e Shkollave, Psikologët, Pedagogët dhe Koordinatorët e cilësisë në komunën e Rahovecit. Në takim u diskutua për mbarëvajtjen e procesit mësimor, sigurinë në shkolla, funksionimin e strukturave drejtuese dhe rëndësinë e bashkëpunimit të ndërsjellë. Në këtë takim ishte i pranishëm edhe përfaqësuesi i Stacionit Policor në Rahovec, duke kontribuuar në diskutimin për sigurinë dhe masat e nevojshme në shkolla.