Komuna e Skenderajt po vazhdon pa ndërprerë me mirëmbajtjen dimërore të rrugëve

11/01/2026 Institucionet

Komuna e Skenderajt po vazhdon pa ndërprerë me mirëmbajtjen dimërore të rrugëve në të gjithë territorin e komunës. Ekipet janë në terren dhe po bëjnë kriposjen dhe pastrimin e rrugëve, ndërsa aktualisht të gjitha rrugët në qytet dhe në fshatra janë të kalueshme.

Megjithatë, për shkak të temperaturave të ulëta dhe mundësisë për ngrica, lusim të gjithë shoferët që të tregojnë kujdes të shtuar gjatë vozitjes, të përdorin goma dimërore, të përshtatin shpejtësinë me kushtet e rrugës dhe të respektojnë rregullat e trafikut.

Siguria e qytetarëve mbetet prioritet i kryetarit Sami Lushtaku dhe komunës së Skenderajt, prandaj ekipet e kontraktuara po punojnë me turne të pandërprera me qëllim që rrugët publike në territorin e komunës së Skenderajt të jenë të sigurta dhe të qarkullueshme.

Kontrolloni gjithashtu

Komuna e Malishevës ka shpallur ftesë Publike për Organizatat e Shoqërisë Civile dhe Qytetarë

Komuna e Malishevës ka shpallur të premtën ftesë Publike për Organizatat e Shoqërisë Civile dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara