Kryetari Kastrati priti në takim pune përgjegjësin e UNMIK-ut për rajonin Pejë – Prizren, Lino Sciarra

27/01/2026 Institucionet

Kryetari i Komunës së Malishevës, z. Ekrem Kastrati, ka pritur sot në një takim pune përgjegjësin e Zyrës së UNMIK-ut për rajonin Pejë – Prizren, z.Lino Sciarra. Takimi kishte karakter pune, si dhe shërbeu për urimin e kryetarit Kastrati me rastin e marrjes së mandatit të tij të dytë.

Fillimisht, kryetari Kastrati i dëshiroi mirëseardhje në Malishevë z.Sciarra, duke e falënderuar për vizitën, si dhe për bashkëpunimin dhe angazhimin e faktorit ndërkombëtar në Kosovë në përgjithësi, e në Komunën e Malishevës në veçanti.

Nga ana e tij, z.Lino Sciarra e uroi kryetarin Kastrati për mandatin e dytë dhe fitoren pa balotazh, duke theksuar se kjo dëshmon vlerësimin e qytetarëve për punën e bërë gjatë mandatit të parë dhe për angazhimin e tij në drejtimin e komunës.

Gjatë takimit, kryetari Kastrati dhe Sciarra biseduan edhe për zhvillimet e përgjithshme në Komunën e Malishevës, planet e ardhshme zhvillimore, si dhe për vërshimet e fundit dhe gjendjen pas tyre.

Kontrolloni gjithashtu

Kryetari Haliti mbledh Këshillin e Drejtorëve, kërkon mobilizim të plotë pas paralajmërimeve për përkeqësim të motit

Nën kryesimin e kryetarit të Komunës së Vitisë, Sokol Haliti, sot është mbajtur mbledhja e …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara