Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik Arton Demhasaj ka vlerësuar se procesi i rinumërimit të votave po afron drejt përfundimit, me rreth 70 për qind të vendvotimeve tashmë të rinumëruara. Sipas tij, certifikimi i rezultateve mund të realizohet brenda një afati të shkurtër dhe i hap rrugë formimit të institucioneve të reja. Demhasaj thekson se, megjithëse deri tek zgjedhja e Qeverisë nuk parashikohen pengesa serioze, zgjedhja e Presidentit mbetet pika më problematike. Ai paralajmëron se mungesa e një marrëveshjeje politike mes subjekteve mund të krijojë ngërç dhe vonesa në procesin institucional. “Kur vjen çështja tek Presidenti, atëherë mund të ketë ngërç, nëse nuk ka marrëveshje politike”, ka deklaruar Demhasaj, duke nxjerrë në pah rrezikun që pas rinumërimit dhe certifikimit të rezultateve, institucionet të përballen me sfida të reja në fazën vendimtare të funksionimit. Sipas tij pavarësisht përparimit në rinumërim, procesi politik mbetet i ndjeshëm dhe i pasigurt në fazat finale.
