Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i mandatuar, Albin Kurti, ka prezantuar në Kuvend përbërjen e qeverisë së re pas mandatimit nga presidentja Vjosa Osmani, përmes një procesi të përshpejtuar procedural. Në fjalën e tij hyrëse, Kurti paraqiti prioritetet kryesore të ekzekutivit të ri, duke vënë theks te zhvillimet në procesin gjyqësor në Hagë, qeverisja konstruktive dhe thellimi i partneritetit me aleatët perëndimorë. Kurti shprehu kundërshtim ndaj zhvillimeve të fundit në Hagë dhe theksoi nevojën për qasje shtetërore dhe institucionale në këtë proces. Ai u zotua për një qeverisje konstruktive, përkrahje të tregut të lirë dhe vazhdim të luftës kundër korrupsionit, duke e cilësuar synim ndërtimin e një shteti demokratik me aleancë të ngushtë me Perëndimin. Në aspektin e politikës së jashtme dhe sigurisë, ai theksoi forcimin e partneritetit me aleatët strategjikë dhe investime të mëtejshme në sektorin e sigurisë. Sa i përket dialogut Kosovë Serbi, Kurti deklaroi se qeveria do të vazhdojë të marrë pjesë si palë konstruktive në Bruksel, por pa pranuar ndërhyrje. Gjatë seancës u bë publike edhe lista e kabinetit të propozuar qeveritar.
