Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i zotit Selimi ka kritikuar ashpër Prokurorinë, duke theksuar se pretendimet për kontrollin e tij mbi policinë janë të paprovuar. Sipas avokatit Tully, pavarësisht dokumenteve të shumta të dorëzuara, nuk ka prova që lidhin zotin Selimi me veprimet ose mosveprimet e personave të tjerë në kryerjen e krimeve të pretenduara. Ai ka nënvizuar edhe mospërputhjet në dosjen e Prokurorisë, ku Selimi cilësohet në mënyra kontradiktore ndonjëherë me kontroll operacional, ndonjëherë me autoritet për udhëzim. Avokati ka argumentuar se nuk ka ekzistuar ndonjë polici e UÇK-së nën komandën e Selimit dhe se termi i përdorur nga Prokuroria është një “tezë” për të dhënë përshtypjen e gabuar të kontrollit të tij. Mungesa e dëshmive të drejtpërdrejta tregon se pretendimet e Prokurorisë mbeten të paqëndrueshme dhe të paargumentuara.
