Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti kanadez Kyle Seeback ka uruar 18-vjetorin e Pavarësisë së Kosovës gjatë një fjalimi në Parlamenti i Kanadasë, duke theksuar mbështetjen e hershme të Kanadasë për shtetin e ri. Ai rikujtoi se Kanada ishte ndër vendet e para që njohu pavarësinë e Kosova, duke shprehur krenarinë e tij për këtë fakt. Seeback tregoi gjithashtu lidhjen personale me Kosovën, duke theksuar se bashkëshortja e tij është nga Kosova dhe se familja e tij kalon kohë atje gjatë pushimeve. “Javën tjetër Kosova do të festojë 18-vjetorin e Pavarësisë. Jam i lumtur si kanadez që ishim ndër shtetet e para që e kemi njohur pavarësinë e Kosovës. Gruaja ime është nga Kosova dhe ne kalojmë kohë atje në pushime, shijojmë ushqime shumë të mira dhe mësova shumë për kulturën e pasur të tyre. Kosovarët janë krenarë me vendin e tyre”, është shprehur ai. Deputeti kanadez ndau edhe një detaj personal, duke bërë të ditur se djali i tij mban emrin e dytë Kastriot, në nder të figurës historike që simbolizon guximin dhe pavarësinë. Ai përmendi edhe Rahovecin, duke thënë se aty ka pirë “makia ton më të mirë” në jetën e tij. Në fund të fjalimit, Seeback uroi në gjuhën shqipe: “Urime Dita e Pavarësisë”. Kosova shpalli pavarësinë më 17 shkurt 2008, ndërsa Kanadaja e njohu shtetin e ri në ditët e para pas shpalljes, duke konfirmuar mbështetjen e saj për sovranitetin dhe integritetin e vendit.
