Shpallen “Lexuesit e Vitit 2025” në bibliotekë – aktivitet i pasuruar me kuiz historie dhe pika muzikore

16/02/2026 Institucionet

Në ambientet e bibliotekës u organizua aktiviteti për përzgjedhjen e “Lexuesit të Vitit 2025”, ku u shpallën lexuesit më të dalluar për këtë vit. Në sektorin për të rritur u vlerësuan Biser Mehmeti dhe Erëza Avdullahu, ndërsa në sallën e leximit çmimet iu ndanë Rinis Azemit dhe Dea Mustafës. Në sektorin për fëmijë u shpallën fitues Bletë Halili dhe Desar Ramiqi.

Me mirënjohje të veçantë u nderua arsimtarja e historisë Mimoza Rushiti për përkushtimin dhe bashkëpunimin e saj të vazhdueshëm, si dhe bashkëqytetari Vyrtyt Hasani për kontributin e tij të çmuar me donacione për bibliotekën.

Në kuadër të aktivitetit u zhvillua edhe një kuiz historie me pyetje të përgatitura nga arsimtarja Mimoza Rushiti për nxënësit e SHFMU “Ahmet Hoxha”. Atmosfera festive u pasurua me pika instrumentale të interpretuara nga nxënësit e Shkolla e Muzikës “Çesk Zadeja”, të cilat i dhanë ngjarjes një frymë të veçantë kulturore dhe artistike.

Kontrolloni gjithashtu

U mbajt mbledhja e parë e Këshillit Komunal për Siguri në Bashkësi për vitin 2026

Në Skenderaj u mbajt mbledhja e parë e Këshillit Komunal për Siguri në Bashkësi (KKSB), …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara