Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Ganimete Musliu, ka kërkuar sot në seancën për projektbuxhetin e vitit një linjë të veçantë financiare për të rritur sigurinë në shkollat e vendit. Ajo e konsideroi gjendjen në institucionet arsimore si alarmante dhe theksoi se prioritet duhet të jetë siguria e fëmijëve para investimeve në teknologji e mësim tërë ditor. Musliu përmendi edhe shembullin e shkollimit të vajzës së kryeministrit Albin Kurti, duke theksuar se jo të gjithë qytetarët kanë mundësi të ngjashme. Ajo propozoi vendosjen e kamerave dhe sistemeve moderne, shtimin e stafit mbikëqyrës dhe psikologëve, si dhe programe parandaluese kundër drogës dhe dhunës, duke kërkuar bashkëpunim të ngushtë mes shkollave, prindërve dhe institucioneve të rendit. Musliu i bëri thirrje Ministrisë së Arsimit dhe Ministrisë së Punëve të Brendshme që ta trajtojnë çështjen me seriozitet maksimal.
