Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i OVL të UÇK-së, Hysni Gucati, e ka cilësuar Gjykatën Speciale si “tmerr të botës” dhe ka theksuar se shqiptarët u tradhtuan nga kjo gjykatë. Në emisionin “Kosova Today”, Gucati, i cili ndodhet aktualisht në Hagë për të përcjellë gjykimin e ish-krerëve të UÇK-së, u shpreh se fytyrat e Hashim Thaçit, Kadri Veselit, Jakup Krasniqit dhe Rexhep Selimit ishin të qeshura dhe se morali i tyre është i fortë, duke u dhënë forcë edhe atyre që janë në mbështetje. Ai foli gjithashtu për rezolutën e dorëzuar në Gjykatën Speciale, të nënshkruar nga 30 deputetë zviceranë, duke falënderuar veprimtarin e çështjes kombëtare Sali Bislimi për përfshirjen në këtë iniciativë. Rezoluta kërkon barazi dhe drejtësi dhe i bën thirrje qeverisë zvicerane që të ndërmarrë hapa për të ndikuar drejtpërdrejt te Gjykata Speciale.
