Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së, ka njoftuar nisjen e një peticioni kombëtar drejtuar Dhomat e Specializuara të Kosovës në Hagë, duke ftuar qytetarët brenda dhe jashtë vendit që t’i bashkohen nismës në mbështetje të ish-krerëve të Ushtria Çlirimtare e Kosovës që po përballen me procese gjyqësore. Sipas njoftimit, peticioni synon mbrojtjen e vlerave të luftës çlirimtare dhe, siç thuhet, ruajtjen e dinjitetit të saj. Veteranët e konsiderojnë këtë nismë një reagim qytetar ndaj proceseve gjyqësore në Hagë, duke kërkuar solidarizim të gjerë shoqëror. Megjithatë, nisma ka nxitur edhe diskutime kritike në opinionin publik dhe në qarqet juridike. Njohës të drejtësisë vlerësojnë se, ndonëse peticionet janë formë legjitime e shprehjes demokratike, ato nuk kanë ndikim juridik mbi vendimmarrjen e gjykatave ndërkombëtare, të cilat funksionojnë mbi bazën e provave dhe procedurave ligjore, e jo presionit publik. Peticioni pritet të zhvillohet në ditët në vijim, ndërsa mbetet për t’u parë sa qytetarë do t’i përgjigjen kësaj thirrjeje dhe çfarë ndikimi politik apo shoqëror do të prodhojë në debatin publik në Kosovë.
