Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka pritur në takim Ministren për Evropë dhe Punë të Jashtme të Shqipërisë, Elisa Spiropali, me të cilën diskutoi për zhvillimet politike në Kosovë, Shqipëri dhe rajon, si dhe për proceset strategjike që i presin dy vendet. Haradinaj vlerësoi angazhimin e Qeverisë shqiptare në çështjet me rëndësi për Kosovën, duke theksuar se bashkëpunimi ndërmjet dy shteteve shqiptare mbetet prioritet i përhershëm. Në takim u diskutua veçanërisht për sigurinë rajonale dhe proceset integruese, me fokus të veçantë synimin strategjik të Kosovës për anëtarësim në NATO. Sipas Haradinajt, forcimi i marrëdhënieve bilaterale Kosovë–Shqipëri dhe integrimi ndër shqiptar janë domosdoshmëri kombëtare dhe garanci për një të ardhme më të sigurt. Ai shprehu gjithashtu falënderim për përkushtimin e Qeverisë shqiptare, të udhëhequr nga Edi Rama, ndaj ish-luftëtarëve të UÇK-së që po përballen me procese gjyqësore në Hagë, duke vlerësuar mbështetjen e vazhdueshme institucionale të Shqipërisë në këtë drejtim.
