Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shqipërisë, Bajram Begaj, gjatë një konference të përbashkët për media me presidenten e Maqedonia e Veriut, Gordana Siljanovska Davkova, theksoi se marrëdhëniet mes dy vendeve përbëjnë një shembull pozitiv të bashkëpunimit rajonal dhe fqinjësor. Begaj deklaroi se të dy shtetet janë të përkushtuara për thellimin e bashkëpunimit dypalësh, rajonal dhe brenda organizatave ndërkombëtare, duke vlerësuar raportet miqësore dhe intensive ndërmjet Tiranës dhe Shkupit. Në fjalën e tij, presidenti shqiptar i kushtoi vëmendje të veçantë rolit të shqiptarëve në Maqedoninë e Veriut, duke theksuar se ata përbëjnë një popull shtetformues dhe një faktor të rëndësishëm për stabilitetin politik, qeverisjen dhe orientimin euroatlantik të vendit. Ai nënvizoi gjithashtu rëndësinë e zbatimit të Marrëveshja Kornizë e Ohrit, duke theksuar se ajo nuk është vetëm çështje teknike, por themel për kohezion social, bashkëpunim ndëretnik dhe funksionim institucional në vend.
