Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Supreme e Kosovës ka refuzuar si të pabazuar ankesën e subjektit politik Alternativa (parti politike në Kosovë), e cila ishte paraqitur kundër vendimit të Paneli Zgjedhor për Ankesa dhe Parashtresa. Alternativa kishte kërkuar nga Gjykata Supreme të shqyrtonte ligjshmërinë e vendimit të PZAP-së dhe të Komisioni Qendror i Zgjedhjeve, lidhur me caktimin e mjeteve nga Fondi për mbështetjen e subjekteve politike, për periudhën pas certifikimit të rezultateve të zgjedhjeve të parakohshme parlamentare të mbajtura më 28 dhjetor 2025. Në ankesën e saj, Alternativa kishte kundërshtuar faktin se nuk ishte përfshirë në ndarjen e këtyre mjeteve financiare. Sipas vendimit të Supremes, PZAP ka vepruar në përputhje me ligjin kur e ka hedhur poshtë ankesën si të palejuar. Gjykata ka sqaruar se, bazuar në Ligji Nr. 08/L-228 për zgjedhjet e përgjithshme në Republikën e Kosovës, PZAP ka kompetencë të shqyrtojë vetëm ankesat ndaj vendimeve të KQZ-së që janë të përcaktuara shprehimisht me këtë ligj. Vendimet e KQZ-së që kanë të bëjnë me ndarjen e mjeteve nga Fondi për mbështetjen e subjekteve politike nuk bëjnë pjesë në kategoritë e vendimeve që mund të ankimohen në PZAP. Gjykata Supreme thekson gjithashtu se as Ligji për financimin e subjekteve politike në Kosovë nuk parasheh të drejtën e ankesës ndaj vendimeve të KQZ-së për ndarjen e fondeve, përveç rasteve që lidhen me dispozitat ndëshkimore.
