Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kriza e zgjatur institucionale në Kosovë po ngre shqetësime serioze tek partnerët ndërkombëtarë, të cilët kërkojnë stabilitet politik dhe institucione funksionale për të vazhduar bashkëpunimin dhe mbështetjen ndaj vendit. Analisti amerikan Daniel Serwer ka paralajmëruar se situata aktuale, me institucione të bllokuara dhe pa një zgjidhje të shpejtë politike, nuk është normale për një shtet që aspiron integrimin euroatlantik. Sipas tij, një marrëdhënie e qëndrueshme me Shtetet e Bashkuara të Amerikës nuk mund të ndërtohet në kushtet kur vendi funksionon me qeveri në detyrë dhe me institucione të paplotësuara. Tensionet politike u thelluan pasi presidentja Vjosa Osmani dekretoi shpërndarjen e Kuvendit, pas dështimit për zgjedhjen e presidentit të ri. Ky vendim u kundërshtua nga Albin Kurti dhe Lëvizja Vetëvendosje, të cilët e dërguan çështjen në Gjykata Kushtetuese e Kosovës. Ndërkohë, vendimi i Gjykatës për vendosjen e masës së përkohshme deri më 31 mars ka bllokuar aktivitetin parlamentar, duke e futur vendin në një vakum institucional që mund të ndikojë drejtpërdrejt në marrëdhëniet me partnerët strategjikë.
