Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka deklaruar se nuk ka mbajtur asnjëherë një rol ndërhyrës në skenën politike të Kosova, duke theksuar se respektimi i punëve të brendshme të saj ka qenë parim i tij politik. Gjithmonë është përmbajtur nga ndërhyrjet në politikën kosovare, ndërsa ironizoi përpjekjet e disa politikanëve nga Kosova për të ndikuar në zhvillimet politike në Shqipëri. “Unë s’kam fare pozicion atje në Kosovë. Unë s’kam dashur kurrë të ndërhyj në punët e tyre. Më është dukur qesharake kur kanë tentuar të ndërhyjnë këtu”, tha Edi Rama, duke shtuar se sipas tij këto tentativa kanë pushuar pasi, siç u shpreh ai, palët “e morën mësimin”. Rama foli edhe për mbështetjen financiare për ish-krerët e Ushtria Çlirimtare e Kosovës që po përballen me proces gjyqësor në gjykaten speciale në Hagë. Sipas tij, kjo çështje nuk është diskutuar drejtpërdrejt me kryeministrin e Kosovës, Albin Kurti, pasi ai kishte frikë se një gjë e tillë mund t’ia rëndonte pozicionin ndërkombëtar. “Unë nuk e kam diskutuar këtë gjë nga afër me kryeministrin, me Albinin, por besoj se ai ka pasur frikë ta bëjë këtë gjë për të mos rënduar pozicionin e tyre, sepse pozicioni i tij në raport me BE-në dhe SHBA-të nuk është një pozicion komod”, u shpreh Rama.
