Komuna e Vitisë shënoi Ditën Botërore të Sindromës Down

23/03/2026 Institucionet

Me rastin e ditës Botërore të Sindromës Down, komuna e Vitisë ka organizuar një aktivitet simbolik me fëmijët e shkollës fillore ”Bafti Haxhiu” në Viti.

Ky aktivitet është realizuar në bashkëpunim në mes të QKMF-së, DKA, menaxhmentit dhe mësuesve të kësaj shkolle.

Drejtoresha e QKMF-së në Viti dr.Vjollca Kadolli Halili dhe drejtoresha e DKA- së znj. Arta Ajeti kanë diskutuar me mësimdhënësit Besnik Zuka dhe asistentin Shkembim Ukshini mbi sfidat me të cilat përballen mësimdhënësit dhe fëmijët.

Gjithashtu, theks i veçantë iu dha nevojave dhe kërkesave të tyre, ku institucionet komunale janë të përkushtuara që të përkrahin këtë klasë. “Le të jemi ne arsyeja që ata të ndihen të pranuar, të vlerësuar dhe të barabartë”, ishte mesazhi i përbashkët.

Përndryshe në dhjetor 2011, Asambleja e Përgjithshme e Organizatës se Kombeve të Bashkuara (OKB) ka shpallur 21 Marsin si Ditën Botërore të Sindromës Down.

Kontrolloni gjithashtu

Publikohet agjenda e mbajtjes së tubimeve përkujtimore, për shënimin e 27-vjetorit të masakrave të vitit 1999, të kryera nga forcat serbe

Komuna e Rahovecit ka publikuar programin e mbajtjes së tubimeve përkujtimore, për shënimin e 27-vjetorit …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara