U mbajt ekspozita artistike në kuadër të aktiviteteve për shënimin e 28-vjetorit të “Epopesë së Dukagjinit”

24/03/2026 Institucionet

Në kuadër të aktiviteteve për nder të 24 Marsit, në Kompleksin Kulturor “Fetnete Ramosaj” u mbajt ekspozita artistike kushtuar kësaj date të rëndësishme.

Të pranishëm ishin kryetari i komunës, z. Bashkim Ramosaj, si dhe artistë, bashkëpunëtorë dhe qytetarë.

Përmes veprave të tyre, artistët sollën emocione, kujtesë dhe respekt për sakrificën dhe historinë tonë, duke i dhënë kësaj date një dimension të veçantë përkujtimi.

Falënderojmë të gjithë artistët pjesëmarrës për kontributin dhe angazhimin e tyre.

Gjithashtu në kuadër të këtyre aktiviteteve përkujtimore për 24 Marsin, në Deçan u mbajt edhe një koncert i muzikës klasike, i organizuar nga Universiteti “Haxhi Zeka”.

Kjo mbrëmje artistike solli emocione të veçanta, duke rikujtuar përmes artit sakrificën dhe rrugëtimin drejt lirisë. Tingujt e muzikës klasike krijuan një atmosferë dinjitoze dhe reflektuese për të gjithë të pranishmit.

Komuna e Deçanit falënderon Universitetin “Haxhi Zeka” dhe artistët për kontributin e tyre në pasurimin e jetës kulturore dhe në nderimin e kësaj date të rëndësishme për vendin tonë.

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara