Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, Ramush Haradinaj, ka përkujtuar viktimat e masakrave të kryera nga forcat serbe në fund të marsit 1999, duke i cilësuar ato si ndër krimet më të rënda të regjimit të asaj kohe. Në një mesazh publik, Haradinaj theksoi se Krusha e Madhe dhe Krusha e Vogël u bënë simbol i dhimbjes dhe tragjedisë, ku u ekzekutuan rreth 350 civilë të pafajshëm, përfshirë gra, fëmijë dhe të moshuar. Ai bëri të ditur se, në këtë përvjetor, së bashku me kryetarin Smajl Latifi, kanë ndarë dhimbjen me familjarët e viktimave, duke theksuar se kjo plagë mbetet ende e gjallë në kujtesën kolektive të popullit shqiptar. Haradinaj kujtoi gjithashtu edhe 49 martirët e familjes Berisha nga Theranda, të cilët u vranë mizorisht nga forcat serbe, si dhe 23 shqiptarët e ekzekutuar në Landovica dhe zonat përreth. Në përfundim, ai theksoi se këto krime mbeten një thirrje e vazhdueshme për drejtësi, duke kërkuar që autorët e tyre të përballen me dënimin e merituar dhe duke apeluar që kujtesa për viktimat të mos zbehet kurrë.
