Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i fundit i Gjykatës Kushtetuese të Kosovës për rrëzimin e dekretit të Vjosa Osmani dhe caktimin e një afati 34-ditor për zgjedhjen e presidentit, është vlerësuar si një hap që rikthen rendin formal kushtetues, por që nuk ofron një zgjidhje konkrete për krizën politike në vend. Sipas njohësve të zhvillimeve politike, vendimi ka karakter më shumë teknik dhe interpretues sesa zgjidhës, duke lënë në dorë të partive politike përgjegjësinë për të arritur një marrëveshje që aktualisht duket e largët. Analisti thekson se, ndonëse Gjykata ka tentuar të ruajë balancën, ajo nuk ka arritur të adresojë problemin thelbësor, mungesën e konsensusit politik. Afati i përcaktuar prej 34 ditësh konsiderohet më shumë si një shtyrje e krizës sesa një rrugëdalje, pasi pa vullnet politik, procesi rrezikon të përfundojë me zgjedhje të reja. Në këtë kontekst, vendimi shihet si një “frymëmarrje e përkohshme” për institucionet, por jo si zgjidhje për ngërçin politik.
