Kryetari Kastrati, ka bërë homazhe në nderim të dëshmorëve të kombit, Jahir Mazreku, Hysen e Maliq Sopaj dhe Shaqir Paçarizi

03/04/2026 Institucionet

Në përvjetorin e 27 të rënies së dëshmorëve të kombit Jahir Mazreku, Hysen e Maliq Sopaj si dhe Shaqir Paçarizi, Kryetari i Komunës së Malishevës, Ekrem Kastrati, ka bërë homazhe në nderim të jetës dhe veprës së tyre.

Me këtë rast, kryetari Kastrati, i shoqëruar nga bashkëpunëtorë dhe përfaqësues të organizatave të dala nga lufta e UÇK-së, në nivel shtetit, Xhavit Jashari, të degës në Malishevë, Metush Kryeziu, vendosën lule pranë varreve të dëshmorëve, duke shprehur respekt dhe mirënjohje të thellë për sakrificën e tyre në shërbim të lirisë së vendit.

Ai theksoi se dëshmorët e kombit , Jahir Mazreku dhe Hysen e Maliq Sopaj, dhe Shaqir Paçarizi si dhe të gjithë dëshmorët e të gjitha luftrave për lirinë e Kosovës, janë themeli i lirisë dhe shtet ndërtimit, ndërsa kujtimi për ta mbetet obligim i përhershëm institucional dhe qytetar.

Në këtë përvjetor, u vlerësua lart kontributi dhe heroizmi i Jahir Mazrekut dhe Maliq e Hysen Sopaj dhe Shaqir Paçarizi, të cilët dhanë jetën për idealin e lirisë dhe pavarësisë së Kosovës.

Në emër të familjarëve të dëshmorëve të kombit, foli Mevludin Mazreku dhe falënderoi të pranishmit që bënë homazhe në kompleksin e dëshmorëve në Malishevë.

Lavdi Dëshmorëve të kombit dhe të gjithë të rënëve për Liri!

Kontrolloni gjithashtu

U Përkujtuan Dëshmorët dhe Martirët e Hoçës së Vogël

Sot në praninë e familjarëve, qytetarëve të shumtë dhe strukturave lokale të Rahovecit, u përkujtuan …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara