Vazhdon aksioni për pastrimin e ambientit në Malishevë

03/04/2026 Institucionet

Në kuadër të aksionit “Për Malishevën e pastër”, sot ka vazhduar dita e dytë e kësaj nisme, e cila përfshin disa qëllime: pastrimin e hapësirave përreth, largimin e mbeturinave inerte dhe, mbi të gjitha, vetëdijesimin e qytetarëve për mbrojtjen e mjedisit.

Aksioni sot është zhvilluar në fshatrat Ngucat dhe Temeqinë, ku kanë marrë pjesë një numër i konsiderueshëm nxënësish, qytetarësh dhe kompanish private, të cilat i janë bashkuar nismës me makineri dhe punëtorë. Në krye të këtij aksioni ka qenë nënkryetari i Komunës së Malishevës, Vesel Krasniqi, i cili njëherësh udhëheq edhe task-forcën komunale për këtë qëllim.

Krasniqi ishte i shoqëruar nga drejtorë të drejtorive komunale dhe zyrtarë të tjerë. Krahas pastrimit të ambientit brenda fshatrave, po bëhet edhe largimi i deponive të mbeturinave inerte, ndërsa në disa hapësira janë mbjellë edhe fidanë.

“Komuna është e përkushtuar për mirëmbajtjen e ambientit dhe largimin e mbeturinave inerte, prandaj u bëj thirrje qytetarëve që të respektojnë deponitë e caktuara për grumbullimin e mbeturinave inerte dhe ta ruajmë ambientin ku jetojmë”, ka thënë Krasniqi gjatë realizimit të aksionit “Për Malishevën e pastër”.

Kontrolloni gjithashtu

U Përkujtuan Dëshmorët dhe Martirët e Hoçës së Vogël

Sot në praninë e familjarëve, qytetarëve të shumtë dhe strukturave lokale të Rahovecit, u përkujtuan …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara