Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mbledhjen e fundit të Këshillit të Sigurimit të OKB-së, për raportin e UNMIK, diskutimet për Kosovën rikthyen në pah tensionet e vjetra politike dhe mungesën e progresit konkret në raportet me Serbinë. Përtej deklaratave të forta diplomatike, mbetet e paqartë nëse këto mesazhe po prodhojnë ndonjë ndryshim real në terren. Një nga temat kryesore ishte sulmi i 24 shtatorit në Banjskë, ku u vra rreshteri Afrim Bunjaku. Përfaqësues ndërkombëtarë, përfshirë Britaninë e Madhe dhe Francën, kërkuan që përgjegjësit, mes tyre Milan Radoiçiç, të përballen me drejtësinë. Megjithatë, fakti që ende nuk ka llogaridhënie konkrete ngre pikëpyetje serioze për efektivitetin e presionit ndërkombëtar ndaj Beogradit.
