Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtari i Partisë Demokratike e Kosovës, Jakup Nura, ka kritikuar ashpër qasjen e Lëvizja Vetëvendosje lidhur me procesin e zgjedhjes së presidentit të ri, duke e cilësuar atë si jo serioze dhe të motivuar për efekt publik. Nura tha se PDK-ja i ka ofruar bashkëpunim kryeministrit Albin Kurti, por me kushtin që kandidati për president të propozohet nga kjo parti. Sipas tij, përqendrimi i tri posteve kryesore shtetërore në duart e një partie të vetme është i dëmshëm për vendin dhe për vetë funksionimin demokratik. Ai shtoi se nuk sheh gatishmëri reale nga Kurti për të arritur marrëveshje me PDK-në, duke paralajmëruar se në ditët në vijim mund të intensifikohen përpjekjet për një koalicion ndërmjet LVV-së dhe Lidhja Demokratike e Kosovës. “Për PDK-në, çdo ftesë e Kurtit është vetëm për sy e faqe, për të krijuar përshtypjen e gatishmërisë për bashkëpunim, ndërsa në realitet nuk ka përpjekje serioze për zgjidhjen e çështjes së presidentit”, deklaroi Nura.
