Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni për Çështje të Sigurisë dhe Mbrojtjes i Kuvendit të Kosovës pritet të shqyrtojë vendimin e Qeverisë për dërgimin e Forcës së Sigurisë së Kosovës jashtë vendit, në kuadër të Forcës Ndërkombëtare Stabilizuese në Gaza Strip. Sipas ekspertit të sigurisë, Drizan Shala, Kosova pritet të marrë pjesë me një kontingjent të kufizuar prej rreth 20 deri në 22 ushtarësh, ndërsa numri final mund të rishikohet në bazë të vlerësimeve të misionit ndërkombëtar. Ai theksoi se juridiksioni nacional do të mbetet në fuqi për personelin e FSK-së gjatë këtij angazhimi, duke garantuar se ushtarët nuk do t’i nënshtrohen juridiksioneve të jashtme pa pëlqimin e shtetit. Misioni në Gazë parashihet të përfshijë detyra të ruajtjes së sigurisë, patrullime të përbashkëta me forcat izraelite dhe egjiptiane, si dhe trajnime për policinë palestineze, me synim stabilizimin e situatës dhe mbikëqyrjen e armëpushimit. Vendimi pritet të kalojë për miratim në Kuvend dhe më pas të dekretohet nga presidenti. Ekspertët e vlerësojnë këtë mision si një test të rëndësishëm për kapacitetet e FSK-së dhe një hap që mund të ndikojë në rrugën e Kosovës drejt integrimit në NATO.
